Tamarind

Sampaloc
by Sancho D


Maasim at nakapagpapangiwi
Luhang umaagos sa pisngi ng isang talunan
Isang nakakangalay na pagtingala
Isang mapaklang senyales

Isa kang matayog na puno ng sampalok
Makapal ang mga dahon
Mayabong at malusog
Namumukadkad ang mga bulaklak

Ang tangi kong inaabangan
Ay ang pagbubunga ng aking pag-aabang
At ang patitiyaga ng aking damdamin
Higit pa sa araw-araw kong pagtingala

Inunti-unti ko ang pagpapasibol
Sa iyong mga bulaklak
Pagmamahal ang aking idinilig
Tiyaga at pagsisikap ang aking pataba

Subalit isang mapait na buto
Ang iyong iniabot
Walang tamis
At walang sustansiya

Isa kang puno ng sampalok
Matayog at matikas
Ngunit ang bunga mo'y isang maasim
Mapakla at tuyot na mga alaala

Isang sampal na inialok
Sa aking paghahangad
Na makatikim ng matatamis na bunga
Ng aking paghihirap